وجه الحقوقي المصري، هيثم أبو خليل، دعوة إلى حاكم مصر، عبد الفتاح السيسي، للتوجه إلى مقر احتجاز الرئيس محمد مرسي.
وقال أبو خليل خلال برنامج «حقنا كلنا» على فضائية «الشرق»: «أنا جاي بنصيحة حقيقية ومخلصة لعبد الفتاح السيسي، بعد كلامه عن زيادة الخدمات، وموضوع الفقر اللي هو شغال فيه».
وتابع: «تحدث السيسي عن أن هناك مشكلة في تنفيذ مشروع المليون ونص فدان (الفنكوش) وتسديد القروض، وإن البلد مش طابونة، فهو عنده مشكلة في إدارة الدولة»!
وأوضح أبو خليل أن «الحل، طالما إنك فاشل ومش عارف تدير البلد، وعلى رأي أبلة لميس (الحديدي): مش أدّ الشيلة شيلت ليه، فاذهب إلى سجن غربانيات أو ملحق مزرعة طره التي فيها الرئيس المنتخب مرسي».
وأردف: «اذهب إليه واطلب منه النصيحة، وقل له أنا منقلب وأخدت حاجة مش بتاعتي، وشلت شيلة مش بتاعتي، وأنت كان معاك وزير تموين محترم باسم عودة، وكان معاك فريق حاول يعمل حاجة، وأنا فاشل خالص، فاطلب منه النصيحة».
يأتي ذلك رداً على حديث السيسي حول زيادة أسعار تذاكر المترو، ورفضه أي شكوى من غلاء الأسعار، قائلاً: «اللي هيقول أنا غلبان مش قادر هقول له وأنا كمان غلبان مش قادر».
وتحدث السيسي عن القروض من كوريا وفرنسا، مؤكداً أن«الدولة مش هتقدر تدفع القروض».
وقال السيسي أيضاً: «انتو عايزين خدمات ببلاش؟! أنا لو حطيت العشرة مليار اللي هطوّر بيهم السكة الحديد في البنك، هيجيبولي اثنين مليار فوائد».}